Fullani: “Korça i ka mundësitë për t’u zhvilluar”
Guvernatori i Bankës të Shqipërisë Arjan Fullani vizitoi Bashkinë e qytetit të Korçës. Ai u prit nga Kryetari i Bashkisë së Korçës Niko Peleshi, i cili e vlerësoi si të rëndësishëm takimin, të lidhur me të ardhmen ekonomike të rajonit të Korçës.
Nga ana e tij, Guvernatori Fullani theksoi se vizita në Korçë, është një shenjë besimi në të ardhmen e zhvillimit të qytetit. Ai vlerësoi sistemin bankar në Korçë si edhe sistemin e konsoliduar të kreditimit. -”Ka ardhur koha të rikthejmë vëmendjen nga ky qytet”, – ka theksuar Fullani. Më pas, guverantori zhvilloi një takim me përfaqësues të bankave dhe bizneseve lokale.