Qyteti per femijet

Programi “Qyteti për fëmijet” si një nismë e re e
bashkisë synon që nëpërmjet implementimit të projekteve të ndryshme të
gjallëroje dhe përmirësoje cilësinë e jetës për fëmijët, duke i
angazhuar ata në aktivitete kreatve dhe edukative me tematikë
social-kulturore-sportive. Disa nga projektet në kuadër të këtij
programi janë: 

Projekti “Artistët e vegjël”- synon zhvillimin e aftësive
krijuese dhe angazhimin e fëmijëve në aktivitete kulturore, artistike,
edukuese që do tu shërbejnë jo vetëm si argëtim, por edhe për të hedhur
bazat e ngritjes së artit dhe kulturës që në fëmijëri. Fëmijët që do të
kenë mundësi të ndjekin këto programe, do t’i përkasin grupmoshës 6-12
vjeç. Nëpërmjet orareve të përcaktuara, fëmijët do të mund të ndjekin
programet edukative dhe artistike pas shkollës.

Projekti “Kampe verore për fëmijët” – Ky projekt
duke qënë në vazhdimësi të kampit veror te vitit 2007, ka si qëllim
edukimin dhe argëtimin e fëmijëve me mënyrat më të bukura të kalimit të
kohës së lirë si: lojra, ekskursurione, mësime edukuese, shfaqje
filmash në kinema, duke ju ardhur në ndihmë prindërve që punojnë.

Projekti “Festa e 1 Qershorit” – synon zhvillimin e
aktiviteteve të ndryshme artistike festive për të respektuar të drejtat
e fëmijëve dhe për të gëzuar bashkë me ta ne ditën që u kushtohet vetëm
atyre.

Projekti “Ekspozita e fundvitit”- synon zhvillimin
e aftësive krijuese në fushën e vizatimit të fëmijëve për të cilët
shoqëria duhet të tregojë një kujdes të veçantë. Ky projekt vjen në
formën e një ekspozite ku fëmijët e kopshteve dhë të ciklit 9-vjeçar
shfaqin talentin e tyre nëpërmjet vizatimeve me tematike të lirë, ku
ata hedhin me penela ëndrrat e tyre të bukura, si e dëshirojnë qytetin
e tyre, shprehin pasionet, madje ndonjehere fantazia e tyre  i çon ata
atje ku dora e njeriut nuk ka shkuar.

Projekti “Kinemaja pranë fëmijëve”- është një
inisiativë e re e bashkisë që synon afrimin e fëmijëve me kinemanë.
Nëpërmjet këtij projekti, Bashkia do të mundësojë ofrimin e biletave me
çmim të reduktuar për fëmijët duke i nxitur ata të frekuentojnë me
shpesh kinemanë e qytetit, si një mundësi me tepër për të kaluar kohën
e tyre të lirë në mënyrë sa më efektive.