Veprat e artit që ndodhen në këtë muze janë vepra (reth 430) si piano, altar kinez, veshje për gra japoneze, funde ripa kineze, shpatë indoneziane, medalje europiane, piktura japoneze, fotografi të ndryshme të cilat boria i ka realizuar kur shërbente në Ballkan me mision te OKB-së për rindërtim ose unra me 1945-46, nga të cilat ka qenë vetë dhuruesi i saj Dhimitër Mboria. pamjet fotografike janë krejt të veçanta, ato tregojnë historinë shoqërore e kulturore menjëherë pas luftës, si dhe rolin e rendësishëm që luajti gjeneral Macarthuri në rindërtimin ekonomik dhe institucional të Japonisë. Arkivisti Zobel për Borian thotë:” Ai ishte një gjeni. Ai erdhi në këtë vend pa asgjë; me punën e tij arriti të bëhej i famshëm kjo mjafton për të treguar karakterin e tij të fortë”.
Muzeu i Arsimit (Mësonjetorja) është ngritur në godinën ku në 7 mars 1887 u hap shkolla e parë shqipe ose “Mësonjëtorja”godinë kjo e dhuruar për shkollë nga patrioti korçar Diamanti Tërpo. Shkolla u hap për të kundërshtuar asimilimin e kombit dhe gjuhës shqipe nga qeveritë greke e turke. Në stendat e muzeut ekziston fotokopja e abetares së parë shqipe e shkruar nga patrioti Naum Veqilarxhi, si dhe abetarja e dytë e patriotit Kostandin Kristoforidhi. në të gjenden të ekspozuara klasat e para ku bënë mësim vajzat e djemtë pavarësisht nga besimet fetare.
Vlen të përmendim kontributin e atdhetarëve dhe drejtuesve të parë të shkollës si Pandeli Sotiri, Petro Nini Luarasi, Nuçi Naçi. në këtë muze është e ekspozuar edhe një klasë e ngritur nga motrat Qiriazi të ndihmuara nga vëllezërit e tyre Gjergji e Gjerazim Qiriazi.
Hapur: E hënë – E premte
08:00 – 15:00