Në rrëzë të maleve të Moravës shtrihen kodrat e qytetit që përbëjnë kurorën e tij. Afërsia që kanë me qytetin u jep atyre pamjen e një ballkoni me pika mjaft tërheqëse që mund të përdoren si “Belvedere”. Gjate periudhës se dimrit këto kodra mbulohen nga bora dhe përbejnë nje avantazh për zhvillimin e turizmit alpin dhe gjate verës për zhvillimin e turizmit malor dhe atij te ekskursioneve. Në zhvillimin e strategjisë i jepet rëndësi ngritjes dhe funksionimit të një piste rrëshqitëse në stinën e dimrit dhe argëtuese në verë. Mendohet ngritja e një teleferiku dhe ngritja e disa mjediseve shlodhëse dhe argëtuese për vizitorët. Kjo do te bënte të mundur kthimin e kësaj zone në një fshat turistik apo resorti me të gjitha aksesorët e nevojshëm për kalimin e kohës nga turistët. Në të njëjtën kohë, vëmendje iu kushtua krijimit të sallave të konferencave në mjediset e hoteleve për të mbushur periudhat e rënies jashtë-sezonale.Për sa u përket rrethinave te qytetit si potenciale te mundshme u evidentuan: fshati i Dardhës, Vithkuqi, Mborja, Voskopoja,Boboshtica dhe Prespa.
