arteve figurative “Vangjush Mio”. Ky është edicioni i dhjetë i këtij
konkursi i cili organizohet me mbështetjen e Bashkisë së qytetit nën
kujdesin e veçantë të kryebashkiakut Niko Peleshi.
Këtë vit konkursi do të jetë mbarëkombëtar duke
bërë të mundur vendosjen në plan kompetitiv të artistëve figurativë
shqiptarë brenda dhe jashtë kufijve. Konkursi i Arteve Figurative
“Vangjush Mio”është një ndër konkurset më të rëndësishme të arteve
figurative në Shqipëri. Organizimi i përvitshëm i këtij konkursi në
Korçë, krahas eventeve të tjera kulturore të përmasave të mëdha si
Konkursi ndërkombëtar i fotografisë “Sotir”, Kolonia Ndërkombëtare
Skulptura e Parkut (e organizuar për herë të parë këtë vit ) apo
Kolonia Ndërkombëtare e Piktorëve “Vangjush Mio”i kanë dhënë qytetit
statusin e një qëndre të rëndësishme kulturore që shërben si pikë
takimi për artistët figurativë kudo në botë. Ekspozita me punët e
përzgjedhura të piktorëve pjesëmarrës në konkursin “Mio” do të çelet në
ambientete e Galerisë “Guri Madhi”ne datën 22 dhjetor 2008 ditë në të
cilën do të jepen edhe çmimet për artistët pjesëmarrës. Vitin e kaluar
çmimin e parë të Konkursit “Mio”e fitoi piktori kosovar Tafil
Peci,çmimin e dytë piktorja shkodrane Xhaneta Kadillari dhe çmimin e
tretë piktori grek Qiriako Rokos.