Kjo marrëveshje u nënshkrua më 13/03/2002 në Cluj-Napoca dhe ka si qëllim promovimin e marrëdhënieve të favorshme për të dy palët dhe të bashkëpunimit midis administratave lokale për arritjen e objektivave si vijon:
* Ndërmarrja e veprimeve konkrete nëpërmjet inkurajimit të shkëmbimeve komerciale dhe investimeve
* Vendosja dhe zhvillimi i marrëdhënieve midis Dhomave të Tregëtisë dhe Industrisë reciproke
* Shkëmbime në fushën e arsimit dhe edukimit midis dy qyteteve
* Asistencë organizative në fushën e kulturës, arteve, sporteve, turizmit
* Ndërtime të parqeve, zonave të gjelbra të qyteteve si dhe emërtimet e rrugëve
* Zhvillimi i evenimenteve kulturore dhe ekspozitave
* Zhvillimi i një programi vjetor bashkëpunimi në fushën e administratës publike lokale
MARRËVESHJE BINJAKËZIMI MIDIS QYTETIT KORÇË (SHQIPËRI) DHE LOS ALCAZARES (SPANJË)
Kjo marrëveshje u nënshkrua më 19/08/2005 në Los Alcazares dhe ka si qëllim bashkëpunimin paqësor midis Shqipërisë dhe Spanjës, në frymën e lirisë dhe miqësisë me objektivat e mëposhtme:
* Shkëmbime në të gjitha fushat sidomos midis rinisë
* Kontributi me përpjekje të përbashkëta dhe angazhime reciproke në të mirë të paqes dhe mirëqënies së të dy vendeve
MARRËVESHJE BINJAKËZIMI MIDIS QYTETIT KORÇË (SHQIPËRI) DHE VERONËS (ITALI)
Kjo marrëveshje u nënshkrua më 24/06/2006 në Verona dhe ka si qëllim zhvillimin e raporteve të bashkëpunimit për të thelluar njohjen reciproke dhe për të vazhduar më tej projektet tashmë të nisura të shkollës së gjuhëve të huaja. Gjithashtu ky Pakt Miqësie ka në objektivat e tij:
* Zhvillimin e marrëdhënieve miqësore me përfshirjen e institucioneve dhe shoqatave publike e private
* Shkëmbime të shpeshta në sektorin ekonomik, edukativ, arsimor, kulturor dhe atë të turizmit.
MARRËVESHJE BINJAKËZIMI MIDIS QYTETIT KORÇË (SHQIPËRI) DHE SELANIKUT (GREQI)
Kjo marrëveshje u nënshkrua më 14/10/2005 në Selanik dhe ka si qëllim nxitjen dhe zgjerimin e marrëdhënieve miqësore midis Greqisë dhe Shqipërisë si faktorë të rëndësishëm të përparimit në fushën e marrëdhënieve ndërkombëtare. Kjo marrëveshje synon në realizimin e disa objektivave:
* Forcimi i rolit të pushtetit vendor për të rritur mirëqënien e të dy qyteteve
* Forcimi i paqes dhe stabilitetit nëpërmjet bashkëpunimit të ndërsjelltë në të gjitha fushat dhe në interes të qytetarëve të Selanikut dhe Korçës
* Shkëmbimi i informacionit dhe përvojës në fushën e kulturës, arsimit, kualifikimit profesional, rinisë dhe sporteve
* Rritja e bashkëpunimit midis organizmave, institucioneve dhe forume vetë ndërsjellta
* Forcimi i lidhjeve midis banorëve të dy shteteve sidomos në drejtim të zhvillimit të turizmit
MARRËVESHJE BINJAKËZIMI MIDIS QYTETIT KORÇË (SHQIPËRI) DHE MITROVICËS (KOSOVË)
Kjo marrëveshje u nënshkrua më 13/03/2003 në Mitrovicë dhe ka si qëllim rritjen e bashkëpunimit midis dy qyteteve si qytete që kanë shumë elementë të përbashkët në aspektin e gjuhës, zakoneve dhe traditave. Kjo marrëveshje synon në realizimin e disa objektivave:
* Shkëmbime në fusha të tilla si kultura, arti, tradita.
* Shkëmbime eksperiencash përsa i përket punës dhe shërbimeve nga stafi i Bashkive reciproke
* Rritja e numrit të koncerteve, ekspozitave në të dyja anët e kufirit
* Hartimi dhe implementimi i projekteve të përbashkëta që çojnë në zhvillimin e ndërsjelltë.