për të Moshuarit në Korçë. Kryetari i Bashkisë Niko Peleshi, ka qënë i
pari që e vizitoi këtë qendër. Ai u uroi mirëseardhjen 35 banorëve të
saj, duke u premtuar kujdes të vazhdueshëm edhe në të ardhmen.
Hapja e Qendrës Komunitare për të Moshuarit ka qenë një nga projektet më prioritare të Bashkisë së qytetit në kuadër të programit “Qyteti Social”
i cili ka për qëllim përkrahjen e grupeve në nevojë. Qendra është
ditore, e hapur paradite dhe pasdite ajo ndodhet në një ambient mjaft
komod në Lagjen 12, dhe do të trajtojë si fillim 35 të moshuar të
vetmuar duke synuar në të ardhmen, rritjen e numrit të të moshuarve që
do të përfshihen në të. Qendra ofron ambient familjar, leximin e
shtypit të ditës, kafen e mëngjesit falas, si dhe shërbim mjekësor e
psikologjik falas, por edhe aktivitetet argëtuese më të preferuara nga
mosha e tretë.
Ngritja e kësaj qendre është iniciativë e Bashkisë Korçë në
bashkëpunim me Kryqin e Kuq, Dega Korçë dhe me mbështetjen e Bankës
Popullore të Korçës.Pjesë e programit të Bashkisë “Qyteti Social”
janë edhe projekte të tjera në përkrahje të grupeve në nevojë si
projekti “Kite shkollore për fëmijët jetimë” dhe “Ndihma ushqimore për
familjet e varfëra” për të cilat është duke u punuar.