Qëllimi i këtij sektori është mbrojtja e fëmijëve në nevojë (fëmijë në nevojë është ai fëmijë, i cili është në rrezik dhe i dyshuar për trafikim, fëmije i shfrytëzuar dhe i detyruar të punojë, fëmijë i abuzuar dhe i dhunuar, fëmijë i braktisur dhe i neglizhuar) ku kjo zyrë është përgjegjëse dhe përfaqëson Bashkinë në çështjet e të drejtave të fëmijëve gjithashtu qëllim tjetër i kësaj zyre është dhe bashkëpunimi dhe ndërmarrja e iniciativave të përbashkëta me komunitetet në nevojë.

Shërbimet që ofron kjo zyrë janë:
Shërbime sociale dhe psikologjike; Edukim, riintegrim dhe mbështetje psiko-sociale në shkollë; Ndërmjetësim dhe lehtësim për përkujdes shëndetësor për fëmijën; Këshillime, informacione dhe referime mbi kushtet dhe rreziqet e punës, formime profesionale, tregun e punës; Referim dhe mbështetje ligjore për ndjekje ligjore të shkeljeve të të drejtave të fëmijëve; Dhënia e mikro-kredive për komunitete në nevojë sipas iniciativës së tyre për punë.

Disa nga  aktivitetet e kryera nga kjo zyrë janë:
Aktivitet për ditën e të drejtave të fëmijëve (20 Nëntor), aktivitet me rastin e fund vitit (24 Dhjetor).
Aktivitet me rastin e festës së mësuesit dhe nënës (7-8 Mars).
Aktivitet në ditën kundër punës të fëmijëve(12 Qershor) gjithashtu përmendim dhe kampin veror ku kjo zyrë ka marrë pjese si monitorues.
Një projekt që duhet përmendur është ai i pajisjes së fëmijëve të shkollës “Naim Frashëri” me uniforma shkollore.
Këto aktivitete janë mbështetur nga fondacioni “Terre des Hommes”.
Për tu përmendur është edhe regjistrimi nga  ana e kësaj zyre i  fëmijëve, që ju ka kaluar afati i regjistrimit.

çdo muaj nga kjo zyrë është përgatitur raporti mujor mbi punën e kryer gjatë muajit.