Programi i Transparencës më i mirë në Shqipëri

Programi i Transparencës më i mirë në Shqipëri

Në ceremoninë e organizuar nga INFOÇIP me mbështetjen e “Olof Palme Center” dhe Qeverisë Suedeze, Kryebashkiaku Sotiraq Filo mori çmimin “Bashkia më Transparente 2017”.

Programi i Transparencës me qytetarët i hartuar nga Bashkia Korçë është cilësuar më i miri në Shqipëri për vitin 2017, në gjetjet e shpallura nga Qendra për Çështjet e Informimit Publik, INFOÇIP, për implementimin e ligjit 119/2014 “Për të Drejtën e Informimit” në nivel të qeverisjes vendore. Monitorimi mati dhe vlerësoi situatën për vitin aktual 2017 në të 61 bashkitë e Shqipërisë si dhe krahasoi treguesit me gjetjet e vitit 2016. Bashkia Korçë rezultoi me treguesit më të lartë gjatë vitit 2017 duke grumbulluar 9.9 pikë nga 10 të mundshme që përmban indeksi kombëtar, duke ju ofruar qytetarëve më shumë mundësi për të ushtruar vlerat e demokracisë.

back