Festivali Koral Europian

\"\"Festivali Europian i Koreve, aktiviteti muzikor elitar, i cili mbahet në tre qytete të Shqipërisë Tiranë, Korçë e Shkodër në datat 6-9 maj gjatë javës Europiane të Kulturës shënon një eveniment të rëndësishëm kulturor për Korçën dhe mbarë vendin tonë.
Në Korçë festivali u zhvillohet në sallën e Katedrales “Ringjallja e Krishtit”, gjatë muajit maj, ku Publiku ka mundësinë të shijojë këtë muzikë elitare të mbi 10 trupave korale nga vendi dhe Europa. Në këtë aktivitet, Korça prezantohet me Korin “Lira”, qyteti i Shkodrës me Korin “Prenk Jakova” ndërsa Tirana me Korin e Akademisë së Arteve.
Në programin e pasur artistik të grupeve korale janë të përfshira muzikë religioze, pagane, dhe këngët folk po aq sa dhe muzika klasike dhe ajo bashkëkohore-moderne, të kompozitorëve më të mëdhenj Mozart, Webber, Shubert, Puçini dhe më të rinjtë Azzaiolo, Mikis Theodorakis, Çesk Zadeja, Prenk Jakova. 
Festivali koral europian së bashku me kënaqësinë estetike për muzikën korale, transmeton dëshirën e përbashkët për komunikim, harmoni dhe bashkëpunim duke përcjellë vlerat më të mira shpirtërore përmes poezisë së muzikës korale. 
Ai kontribon për vendosjen e një ure komunikimi mes Shqipërisë dhe vendeve të tjera të Bashkimit Europian, duke i shërbyer më së shumti afrimit dhe miqësisë mes popujve. 
back