Festivali Ndërkombëtar i Karnavaleve 2016

Festivali Ndërkombëtar i Karnavaleve 2016

Korça është një ndër qytetet e para që rizgjoi traditën e karnavaleve. Për të disatin vit radhazi u organizua Festivali Ndërkombëtar i Karnavaleve, duke çelur sezonin turistik në Korçë. Vendas dhe vizitorë të erdhur nga mbarë Shqipëria dhe jashtë trojeve të saj, janë bërë pjesë e atmosferës plot ngjyra dhe surpriza të paradës madhështore të karnavaleve. Si asnjëherë tjetër ky aktivitet mori përmasa gjigante, duke sjellë gjallëri me performancat e grupeve vendase e të huaja, me më shumë fabula e mesazhe për disa ditë dhe netë, në pjesë të ndryshme të qytetit.

Festivali i 49 -të i Këngës për Fëmijë

Festivali i 49 -të i Këngës për Fëmijë

Zërat e bukur të fëmijëve korçarë kanë çelur siparin e edicionit të 49 të Festivalit për Fëmijë, për të parën herë në skenën e Pazarit të Korçës. Ndërthurja harmonike e këtij ansambli të vërtetë vlerash historike dhe monumentale me interpretimet fëminore plot pasion sollën një atmosferë të gëzueshme për publikun. Nën kujdesin e veçantë të Qendrës së Artit dhe Kulturës, rreth 100 fëmijë u prezantuan me krijimet më të mira të autorëve më me emër të muzikës shqiptare. Gërshetimi i këngëve me kërcimet dhe personazhet e animuar shtuan më së miri shkëlqimin dhe harenë. Përveç pasurimit të jetës kulturore të fëmijëve, festivali jep një kontribut të rëndësishëm në zbulimin e talenteve të reja, si dhe në edukimin artistik të tyre.

Çmimet fituese në Fesivalin e Këngës për Fëmijë 2016

read more

Festvali Folklorik Tipologjik Kombëtar i Sazeve, Korçë, 2016

Festvali Folklorik Tipologjik Kombëtar i Sazeve, Korçë, 2016

Edicioni i 9-të i Festivalit Folklorik Tipologjik Kombëtar i Sazeve, një traditë e folklorit të qytetit të Korçës dhe rrethinave, rikthehet pas 5 viteve mungesë me një program të larmishëm të grupeve nga e gjithë Shqipëria . Risia e këtij viti ishte pjesëmarrja e ansamblit "Gjilani" nga Kosova, të cilët përshëndetën festivalin duke sjellë për publikun veçantinë e folklorit kosovar.

Çmimet Fituese të Festivalit Folklorik Tipologjik Kombëtar të Sazeve, Korçë, 2016 :

Çmimi "Laver Bariu" - Grupi i Sazeve, Korçë 
Çmimi "Novruz Nure" - Grupi i Sazeve, Përmet
Çmimi "Remzi Lela" - Grupi i Sazeve, Kolonjë

 

“RIN SHOW” 2016 – FINALE

“RIN SHOW” 2016 – FINALE

Spektakli më i madh rinor, organizuar për të tetin vit radhazi nga Qendra e Artit dhe Kulturës pranë Bashkisë Korçë, u kurorëzua me performancat më të zgjedhura dhe ndarjen e çmimeve fituese. Përgëzojmë të gjithë të rinjtë për atmosferën e mrekullueshme dhe energjinë që i dhuruan publikut.

Çmimet fituese "RinShow" 2016 për shkollat janë:

read more
back