Korça feston 29 Nëntorin, 70 vjetorin e Çlirimit të Atdheut 29-11-2014

Korça feston 29 Nëntorin, 70 vjetorin e Çlirimit të Atdheut

Atmosfera e bukur festive në të gjitha rrugët dhe sheshet e qytetit e ka pushtuar Korçen në këtë ditë të 70 vjetorit të çlirimit të vendit. Festimet kanë filluar në teatrin A. Z. Çajupi me një mbledhje solemne e më pas me një koncert festiv ku nuk kanë munguar muzika patriotike dhe ngjyrat e festes e të flamurit. Më pas të gjithë të pranishmit janë drejtuar tek Varrezat e Dëshmorëve ku janë përulur me mirënjohje e respekt dhe kanë vendosur kurora e buqeta me lule. Këto varreza në këtë 70 vjetor të çlirimit kanë mbas shumë kohësh pamjen që meritojnë duke reflektuar respektin për dëshmorët e atdheut. Të pranishëm në këtë ceremoni që kujton një nga momentet më të rëndësishme në historinë e vendit tonë kanë qënë Kryebashkiaku Sotiraq Filo, deputetë të Qarkut Korçë, drejtues dhe përfaqësues të institucioneve si edhe veteranë të LANÇ, të cilët përshëndetën e vlerësuan vlerat dhe rolin e atyre që luftuan për lirinë e atdheut. Sot më tepër se kurrë të gjithë ndiehemi më krenarë për vendin tonë dhe për mundin dhe sakrificat e atyre djemve dhe vajzave që sakrifikuan gjithçka për atdheun që ne trashëgojmë.

back